هي دي فكرة الموقع .. اكتشف أحسن ما في الإنترنت .. وإتعرف على مواقع جديدة كل يوم ..

بس الحكاية هنا مختلفة لأنك مش بتلاقي مواقع جديدة وخلاص .. ده كمان المواقع بتاخد تقييمات .. يعني المواقع المفيدة والممتازة بتاخد تقييم أعلى وناس كتير بتعملها لايك .. وبالتالي إنت واثق إن المواقع دي فعلا ممتازة أو على الأقل عارف تقييم الموقع ده قد إيه ..

كل اللي مطلوب منك عشان تقدر تستفيد من الموقع إنك تسجل في الموقع أو حتى تدخل بإيميلك على الفيس بوك ،، ومفيش حد معندوش فيس بوك دلوقتي ..

بعد ما تسجل في الموقع هيبقى ليك حساب هيطلب منك تحدد اهتماماتك .. هتحدد الموضوعات المهمة بالنسبة ليك ( تكنولوجيا – صحة – جرافيك – ميديا – صور )

وبعد كده هتضغط على ..

وتبدأ بكده رحلتك في الإنترنت بس رحلة على مزاجك حسب المواضيع اللي إنت اخترتها ..

طيب إفرض إن أثناء الرحلة عجبك موقع معين مش معقولة بعد ما تخرج منه متعرفش ترجع ليه تاني ،،

طيب هوضحلك مميزات أكثر ….

بعد ما تضغط على زر البدء وتبدأ في الرحلة هيظهرلك شريط في أعلى الصفحة خاص بالموقع ..

وطبعا الشريط بيشرح نفسه .. قمثلا لما يعجبك موقع اضغط I Like It ،، وبكده هيكون الموقع عندك في المفضلة الخاصة بيك في الموقع ،، وتقدر ترجع للموقع في أي وقت .. وكمان هتلاقي مميزات تقدر تشارك الموضوع على الفيس بوك ، على تويتر ..

وهسيبك تتعرف على مميزات الشريط أكثر .. بس الأهم إنك تحدد إهتماماتك بصورة سليمة وعلى فكرة تقدر تغيرها في أي وقت لو حبيت ..

بس فيه مشكلة إن الموقع كله إنجليزي وبيدور على مواقع إنجليزي مش عربي ..

بس متقلقوش الموضوع الجاي هيكون على موقع هيعمل كل اللي قلناه بس بالعربي ومواقع عربية ..

وفي النهاية تم إضافة هذا الفيديو لشرح الخدمة وهو من تعليقات القراء ..

Advertisements