طب إيه الفرق بينها وبين ملفات القرآن أو الأغاني أو غيره من ملفات Mp3 اللي موجودة ع الإنترنت..

لا الفرق الكبير وهو إنك مش محتاج كل فترة تدخل على الموقع وتنزل الحلقات أو الملفات الجديدة..
بمجرد إنك تشترك في الموقع اللي بيقدم الملفات الصوتية اللي انت بتتابعها هيتم تحميل الملفات الجديدة بشكل تلقائي عندك على الجهاز بدون تدخل .. بس طبعا لازم يكون عندك برنامج يفهم الموضوع ده ويتعامل معاه ..

ومن هنا جاء إسم البودكاست .. حيث إن اسمه مشتق من كلمة ipod وهو جهاز من شركة Apple وخاص بتشغيل ملفات الصوت ،، ونفس الشركة برده هيا اللي عملت البرنامج اللي هتتابع بيه الملفات الصوتية الخاصة بيك واسم البرنامج ده Itunes وهو برنامج مجاني وبينزل على أي نظام تشغيل ..

طيب أنا هيفيدني في إيه البودكاست ده ؟؟
هيفيدك إنك هتقدر تتابع حلقات تسلسلية لمواضيع متعلقة ببعض من غير ما تدور إنك تنزل ملف ملف..
يعني إنت لو مهتم بالمواضيع الإسلامية تقدر تشترك في بودكاست إسلامي
لو مهتم بالموضوعات التقنية تقدر تشترك في بودكاست تقني
لو مهتم بالأخبار تقدر تشترك في بودكاست الأخبار
ولو انت مش عايز برنامج عندك حل أسهل إنك تدخل على المواقع اللي فيها البودكاست اللي تحتاجه وتقدر تسمع من الموقع مباشرة أو تحمل الملفات وتسمعها في الموبايل أوفي السيارة أوفي MP3 .. وبكده هتكون قضيت وقت التسلية في حاجات مفيدة ومعلومات جديدة.
إنت كل اللي هتتعب فيه إنك تدور في البودكاستات المختلفة وتبحث على اللي انت محتاجه بس هتلاقي صعوبة شوية إنك تلاقي بودكاستات عربي .. بس هيا موجودة كتير .. وأنا هحاول أقرب الطريق شوية وأضيف بعض البودكاستات المفيدة ويلا جرب بنفسك :

 

وكالعادة شرح فيديو للتوضيح ..

Advertisements