ولكن دعونا نتعرف على الخدمة الجديدة بما أني كنت من أحد الأعضاء المشاركين في تجربة الخدمة الجديدة جوجل بلس ..

خدمة جوجل بلس عبارة عن موقع يشابه موقع الفيس بوك ويهدف للتواصل الإجتماعي .. وطبعا دي مش أول محاولة لجوجل فقد حاولت جوجل من قبل من خلال خدمة Buzz ولكن تجربتها لم تنجح .. وعادت الآن جوجل بالشبكة الإجتماعية الجديدة Google+ ..

والتي اختلفت فيها عن الشبكة الإجتماعية المشهورة الفيس بوك في العديد من النقاط .. دعونا نتعرف على مميزات الخدمة الجديدة والصورة دي لتوضيح ما سيتم شرحه

1-     ميزة جديدة تسمى الدوائر أو Circles  ..

فقد تعودنا في الفيس بوك على إضافة الأصدقاء كلهم في مجموعة الأصدقاء ويمكنك فيما بعد تقسيم أصدقائك إلي مجموعات .. وعند مشاركتك لأي موضوع جديد فعليك تحديد من تريده أن يشاهد موضوعك الجديد من خلال اختيار الأصدقاء فقط أو أصدقاء الأصدقاء أو الكل أو إختيار مجموعة من المجموعات التي قمت بإنشائها .. بس طبعا دي كانت طريقة صعبة ومش عملية ..

إنما خدمة الدوائر من جوجل بلس فهي عبارة عن دوائر تمثل المجموعات التي تتعامل معها .. فمثلا هتلاقي عندك دائرة زملاء العمل ، دائرة المعارف ، دائرة العائلة ، دائرة الأصدقاء وغيرها من الدوائر .. وهنا لما تضيف أي صديق فإنك سوف تقوم بوضعه في الدائرة المناسبة له ,, وبالتالي عند مشاركة أي موضوع فما عليك غير تحديد الدائرة التي ستشاهد الموضوع وعندك خيارات أكثر لتحديد من سيشاهد موضوعك الجديد ..

2-     ميزة كمان إسمها دردشة جماعية أو Hangouts ..

وهي خدمة تم اضافتها للفيس بوك مؤخراً ،، ولكنها في جوجل وهي عبارة عن شات صوتي ومرئي ولكن الإختلاف هنا أنك بسهولة تختار الدائرة التي تريد الشات معها وبالتالي فأصبح بكل سهولة أن تدخل في محادثات مرئية مع من تحب وكأنها اجتماعات مغلقة بالصوت والصورة .

3-     ميزة كمان جديدة إسمها إهتمامات أو Sparks ..

وهي عبارة عن إنك بتقوم بتحديد إهتماماتك في موضوعات معينة مثلا (التقنية – السيارات -الألعاب – إلخ) وبعد اختيارك لإهتماماتك هتلاقي موضوعات من على الإنترنت تظهر لك في الإهتمامات التي تحددها .. وبالتالي وصول أسرع لما تهتم به من أخبار .

4-     ميزة إسمها الصور أو Pictures ..

وطبعا الصور موجودة في الفيس بوك من زمان ،، بس جوجل بلس الشكل مختلف والمميزات أكتر وتقدر كمان تدخل على ألبوماتك على Picasa  اللي هو الخدمة القديمة من جوجل لحفظ الصور والألبومات والتي تم دمجها بشكل رائع مع جوجل بلس .

ودي صورة من تجرتبي لجوجل بلس ..

 >> ‘أنا كده قولت المميزات الأساسية .. فيه لسة مميزات تانية هتحس بيها لما تبدأ تتعامل مع جوجل بلس .. فمثلا هتلاقي سهولة أكثر في تعديل أي موضوع إنت كتبته .. هتلاقي مميزات أكثر في عرض الصور .. هتلاقي خصوصية أكثر لعرض البروفايل بتاعك ..

وأسيبك تستكشف الباقي وتقولنا عليه ..

أحب أقول حاجة مهمة جداً وفرق كبير بين جوجل بلس والفيس بوك وهو إنك هتستمتع بجميع خدمات جوجل السابقة (Gmail – Docs – Buzz – +1 – Picasa – ….. ) وهتقدر تدخل على خدماتك دي كلها من صفحتك في جوجل بلس وكان تقدر تدخل لجوجل بلس لو كنت فاتح أي خدمة من الخدمات دي ..
وعلى فكرة الخدمة ما زالت في فترة التجربة .. ولكن من خلال تجربتي البسيطة اكتشفت مميزات كتييييييييير ولسة هيكون في مميزات أكثر ..

وكفاية تعرف إن عدد المشتركين دلوقتي حوالي 10 مليون خلال الفترة الصغيرة اللي فاتت .. وأعتقد إن الخدمة هتعجب الجميع وفي انتظار إنكم تتابعوني على حسابي في جوجل بلس .

gplus.to/ahmedelshiekh

ولو في حد عايز يجرب الخدمة دلوقتي يبعتلي إيميله على الجيميل وأنا هبعتله دعوة لتجربة الخدمة وأهلا بكم جميعاً معنا في جوجل بلس ..

شرح فيديو للخدمة باللغة المصرية

وأخيراً .. رابط لشرح الخدمة بالتفصيل والتعرف عليها أكثر ..

http://www.google.com/intl/en/+/demo/

Advertisements